政情：參觀新疆天山光伏板 葛珮帆驚嘆

氫雖然係透明，但會按照獲取途徑而用顏色區分。EQ參觀嘅項目，屬於內地首次規模化利用光伏發電直接製綠氫，全部就近供應煉化設施，用於替代煉油加工中使用嘅天然氣製氫。由於要利用新疆豐富嘅太陽能資源發電生產綠氫，咁就要大量鋪設光伏板。EQ話佢參觀嘅光伏電站佔地9,700畝，等於約906個標準足球場，形容天山腳下嘅光伏板一望無際，感到嘆為觀止。

咁香港又可以點樣倣效同埋學習呢？EQ建議政府可以利用香港嘅水塘安裝光伏電站製綠氫，雖然早年機電工程處曾經喺水塘做試驗，不過依家光伏電站及氫能設備已經更加成熟，所以應該進一步實踐，亦應加快規劃及建設加氫站、制訂法規，推動氫能運輸同其他應用咁話。