新疆見識鑽油平台 尚海龍眼界大開

尚海龍指呢個深達萬公尺嘅石油鑽井平台位於莎雅縣，佢話為咗獲取能源，地下採油深度不斷刷新紀錄，而累積嘅岩心更係地質學嘅寶貴數據資產。其實早前佢去咗南疆嘅庫車市，參觀全球規模最大嘅光伏製氫綠色新能源科技創新項目，話身處天山南側觀看54萬塊光伏板嘅陣列，視覺上非常震撼！

咁震撼嘅場面，當然係有成本啦。尚海龍話有關項目嘅投資額係29.96億元人民幣，每年可生產6億度綠色光伏電力製氫，能夠完成兩萬噸氫氣資源，實現48.5萬噸減碳，又話呢類減碳成果，未來可以上市交易添，至於幾時先可以收回成本，就要等20年。