梁福元戴黑超眼鏡 唔係貪靚

大家都誤會咗啦，佢室內戴超係有原因㗎！原來佢早前喺醫生嘅建議下，做咗白內障手術，所以做完手術嘅佢，呢一個月內都要佩戴太陽眼鏡保護番隻眼，就絕對唔係扮型，亦唔係故意扮大明星喎。佢仲話喺活動可以同大家近距離接觸，凝聚更緊密關係，一班街坊鄰里喺中秋之前暢聚，係賞心樂事。

佢又分享話，依家嘅醫學好昌明，自己白內障手術只需短時間就完成，亦無任何問題或者唔習慣，睇嘢仲睇得好清楚，呼籲市民如果有咩事就乖乖聽醫生講做手術咁話。