昔日東方政情：黃國着漢服整月餅 網友都話正
下個禮拜就係中秋節，唔少市民都會買月餅應節，但愈嚟愈多人鍾意DIY喎。好似議員黃國咁，日前都親手整月餅，仲有套特別嘅工作服添！
一般嚟講，入得廚房都會着圍裙，但係黃國呢，竟然係着漢服，戴住手套喺度整手工月餅。雖然佢係闊袍大袖，但又唔見佢整污糟衫袖，而且相當順暢。有網友見到佢呢個新Look，仲大讚夠突破。
成品有人情味難被取代
黃國話人手製作月餅嘅工序繁複，且成本較高，而隨着時代變遷，自動化機械式出品嘅月餅款式五花八門，唯獨有種味道難以被取替，嗰種就係人情味。
日前佢就聯同着漢服嘅社區主任同青年義工落區，將啲手工月餅送畀街坊，仲話街坊都大讚。之不過，呢次佢冇着漢服出街。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
