政情：與九鐵同事碰面 田北辰想當年

田二少喺2001年擔任九廣鐵路公司管理局主席，雖然輕鐵喺1988年出世，嗰時佢仲未係主席，但今次活動佢都撞番好多舊時嘅車長同埋港鐵同事。其中佢同以前係九鐵員工、依家已成為港鐵車務總監嘅李家潤傾偈，二少話李係一個好念舊嘅人，事關佢仲記得二少係九鐵主席，傾傾吓計仲一齊自拍添！當然佢嘅孫仔同孫女都有入鏡啦！

在場有唔少鐵路迷，連二少都話活動係一票難求，佢又話自己同咗好多後生嘅鐵路迷交流同埋打卡，作為鐵路迷，記得輕鐵係喺1988年出世就一定啦，但二少就話估唔到甚至有人連輕鐵運行嘅準確日子，即係1988年9月18日都記得咁話。