政情：失聰者接收訊息 何啟明倡AI傳譯

話說何啟明尋日出席香港聾人福利促進會嘅活動，席間福利促進會總幹事張漢華表示，香港喺聾健共融上仍有好多改善空間，指依家除咗新聞之外，大部分電視節目皆欠缺手語傳譯或字幕，建議喺啲資訊節目可以加番手語。

何啟明回應話要所有電視節目都提供即時手語傳譯，係有一定嘅難度，但係江西天文台採用嘅手語人工智能就值得參考，將相關科技應用於電視節目做即時手語傳譯，以支援聽障人士日常需要。佢又承諾日後會試吓同天文台、電視台及九巴等機構進一步研究。