昔日東方政情：樂隊有頭有面 盧偉國冀青年夜市表演
早前數碼港有一個結合電腦技術同藝術嘅音樂會，多個樂隊組合應邀參與演出，其中一隊名為「Iron Music」嘅樂隊，其成員好多都「有頭有面」，大家估唔估到係邊個？
話說「Iron Music」成員主要來自工程科技界，工程界議員盧偉國負責吹色士風、城大副校長李惠光擔任結他手、歌手就係灣仔區前區議員龐朝輝。盧偉國話疫情影響，樂隊已經幾年冇演出，而今次復出，大家都十分興奮。
盧吹色士風 演繹經典
佢話當晚以鑽石色士風吹奏引子及過門，配合樂隊演繹經典《真的愛你》。至於音樂會嘅特點，係利用電腦技術生成動畫美術內容，配合創作歌曲並投放於舞台背景，可謂極富視聽之娛。
講起搞活夜市，盧偉國認為係一個機會，畀青年樂手發揮音樂才華，吸引樂迷與遊客，事關夜市要搞得暢旺，音樂係重要元素，但會否惹來噪音投訴，咁就要審慎物色選址啦。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
