昔日東方政情：被問中大改組校董會 段崇智隻字不回
立法會相關委員會已完成審議改組中大校董會嘅私人草案，並擬於11月1日喺立法會恢復二讀。校長段崇智尋日出席為慶祝中大60周年紀念嘅微型藝術展後，被問及點解唔出席立法會中大條例草案委員會、校方有冇聯絡議員、同政府有冇共識等問題，佢都三緘其口，校長辦公室發言人喺側邊就話「不方便回應問題」啦！
段崇智喺藝術展開幕發言時話，指中大校園最具代表性嘅地標及重要標誌，以微型藝術嘅方式呈現畀公眾，藉此加深社區對中大60年歷史嘅認識，展品中也有不少凸顯沙田文化同社區特色嘅作品。
講八仙嶺古仔就唔停口
佢又話中大校園山明水秀，遠眺八仙嶺，講到興起，仲分享咗一則童年聽過嘅古仔，但佢都帶定頭盔，話「真實性唔保證」咁話。
咩古仔呢？原來係宋帝昺南下避難去到九龍嘅時候，問宰相依家喺邊度？宰相回頭一睇，有八個山頭，就話嗰度係八仙嶺，而八個山頭都代表八條龍，所以計埋宋帝昺呢條龍，個地方就叫「九龍」。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
