昔日東方政情：探長者傾偈 吳傑莊關注煤氣爐開關掣
黑雨過後，尋日朝早又有黃雨，議員吳傑莊就去咗橫頭磡邨探訪獨居長者，傾完偈之後，佢話要跟進煤氣開關掣喎。
設計唔方便公屋老友記
話時話，好多長者由於活動能力唔好，所以希望喺廁所加裝扶手，早前亦有議員關注扭掣式嘅水龍頭，事關長者手唔夠力，呢啲都係同廁所或廚房有關，究竟煤氣爐開關掣有乜問題呢？
吳傑莊話探訪過啲獨居長者，佢哋喺生活上都有遇到唔同程度唔方便嘅地方，例如廚房同廁所嘅設計唔係太「長者友善」，佢認為政府應該引入樂齡科技，改善長者日常嘅生活。
經探訪嘅長者反映後，吳傑莊話會跟進浴室嘅煤氣爐開關掣喺廚房嘅問題，事關呢個設計無論喺節能同實際用途上，都令到班老人家好唔方便，希望日後得到改善，令長者們減少因忘記關閉喺浴室嘅熱水爐，而產生嘅壓力同焦慮，咁先可以生活得愉快。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
