昔日東方政情：林超英見證母校重栽無花果
喺社交平台介紹「每日一花」係天文台前台長林超英嘅習慣，但間中都會有例外，例如尋日介紹嘅係樹。
逾60載校樹去年倒塌
有乜特別？特別在於呢棵係種喺林超英嘅母校，即係英皇書院嘅樹，係「校樹」。其實校樹係青果榕，慣稱「無花果」，樹齡逾60年，但喺舊年5月下旬樹幹突然斷裂，校樹喺風雨中倒下，樹身上半部分連樹冠壓向花園同附近嘅散步小路。
林超英喺貼文中話經過一年時間嘅籌備，前日喺原地重新栽種青果榕小樹，喺校長、老師同家長嘅陪伴下，由1957年畢業嘅前輩同至今在校嘅同學聚首一堂，共同見證「無花果仔」嘅傳承典禮。
呢棵校樹有乜嘢意義？佢話學校文化鼓勵同學學習無花果，樸實無華，做實事，唔花巧，佢亦祝願同學與小樹一齊成長，為世界作出不張揚而有實效嘅貢獻。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
