政情：錄製教育視頻 鄧飛職業病上身

呢個視頻係為四川省高綿高新區嘅教育活動錄製嘅，鄧飛話會分享對教育嘅睇法，包括點樣處理拔尖教育同補底教育嘅關係，高等教育與基礎教育嘅關係，終極評估同持續評估嘅區別，國際課程與本地課程嘅區別，政府對教育嘅財政承擔等等。

範疇咁多，做幾個鐘嘅特輯都講唔晒喎。佢話本來人哋畀5分鐘時間佢講，但佢講咗近半個鐘，如果唔係助理提醒，恐怕仲會講落去。果然係長氣袋，做過教師同中學校長嘅佢，講咁耐可能係職業病使然。