昔日東方政情：蘇拉餘波 南區開學險受阻
超強颱風蘇拉日前襲港期間，一度掛10號風球，大量樹木倒塌，唔少道路都塞晒，南區就係其中一個重災區，仲搞到差啲開唔到學喎。究竟係咩事？
赤柱黃麻角道大樹恐塌
原來受風雨影響，赤柱一條行車主幹線黃麻角道，前日有一棵有倒塌風險嘅大樹，而由於尋日係開學日，搞到赤柱一班居民心慌慌。不過，南區區議員梁進話，好彩經政府部門協調處理後，成功趕喺朝早處理好件事。
驚險嘅事又點止一單，梁進話石澳大浪灣同石澳村一帶都因為打風而有大量樹木倒塌，巴士公司都擔心會影響未來幾日嘅巴士營運，一度打定輸數話開學日停服務，但好彩係清理好樹木同雜物之後都成功出車，喺開學日如常運作喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
