政情：李浩然憂輻射風險 倡日漁農產加標籤

雖然核污水未闖入港境，但市民都好憂慮，李浩然就喺社交平台貼文同製圖講解情況。就日方聲稱，排出大海嘅核污水經「多核種除去設備（ALPS）」淨化處埋，繼而再以海水稀釋100倍以上，使到放射性元素「氚」嘅濃度合乎國際放射防護委員會嘅管制標準。李浩然引述綠色和平曾質疑ALPS嘅成效，擔心「氚」喺環境中嘅積累與潛在毒性被刻意低估，可能透過食物鏈傳遞畀人類，危害健康。佢相信排放嘅核污水必然有一啲安全隱患或不確性，否則日方只須將核污水引入自國嘅地下水系統即可，況且福島核電站周圍仍有空地，可建造新儲存槽，何必排出大海引起鄰國不安？

李浩然又話清華大學曾模擬日本核污水排海，結果表明核污水排放後240天就會到達中國沿岸海域，1,200天後將到達北美沿岸，並幾乎覆蓋整個北太平洋。儘管港府已禁止日本10個都、縣嘅水產入口，漁護署亦加強監測本地漁產品嘅輻射水平，然而今次傾倒核污水事件非常特殊，而長期食用受輻射污染嘅食物較容易誘發癌症，孕婦同小童應減吃高風險海產。佢建議港府喺日本漁農產品包裝上加添標籤，內容包括來源地及輻射風險警示，可協助本地漁農業發展及助業界尋找同類型食材進口地。