政情：張秀賢又走數賴得鐘入稟追討

前中文大學學生會會長、元朗前區議員張秀賢，自今年1月底被揭懷疑四處借錢不還，遭各方債主聲討。考評局通識科委員會前主席賴得鐘前日入稟區院，向張秀賢追討14萬元欠款及利息。入稟狀指原告由2020年11月至前年5月期間，向張借出4筆合共16萬元款項，但至今年1月張只償還兩萬元，故入稟法院向張追討餘下欠款及利息。

原告賴得鐘，被告係張秀賢。據入稟狀指，賴於2020年11月11日至2021年5月27日，4度借款合共16萬元畀張，至去年2月到達還款限期時，張仍未有還款。直至去年10月，雙方達成協議，張承諾自去年11月起每月還款5,000元，直到還清款項。

僅還咗兩萬仲欠債14萬

惟自今年1月28日起張就無再還款，至入稟當日，張只償還咗兩萬元。賴要求法庭頒令張須償還14萬元餘款，以及由今年1月28日起計算嘅1%利息。資料顯示，賴得鐘亦為香港通識教育教師聯會前主席。