政情：陳沛良視察岩洞 工程如地下宮

有議員以「地下宮」嚟形容岩洞工地，話內裏嘅面積好大，有3層樓咁高，用嚟容納污水處理廠嘅設施。另外又有狀似「八爪魚」嘅器械進行鑽洞工程，以裝填炸藥準備爆破。為保障施工安全，岩洞工地有巨型通風氣喉以確保含氧量，而岩層內嘅溫度就維持喺29度半，即使着長袖衫都唔會冒汗。

小組委員會成員陳沛良話沙田污水處理廠遷往岩洞，計劃龐大且複雜，涵蓋多項專業範疇同工程類別，而今次嘅參觀就令佢了解到岩洞開放並非易事，政府正按照3個工程階段推進。

至於搬遷計劃完成後可騰出約28公頃土地，佢希望當局諮詢公眾意見，盡早進行規劃及展開工程研究，以適應社會同區內最新嘅發展需要。