政情：黃梓謙讚上海塗鴉 倡港廣邀藝術家

令黃梓謙嘆為觀止嘅戶外創作，名為《自然重力41》，係佛山90後藝術家陳英傑嘅作品。據黃梓謙介紹，藝術家運用塗鴉同潑墨技藝，表達內容涉及中國傳統嘅太極陰陽哲學，代表包容、虛實、混沌。儘管呢幅位於上海南昌路嘅戶外創作能否惹起公眾欣賞與共鳴，見仁見智，但黃梓謙覺得中國傳統水墨與西方街頭塗鴉藝術碰撞與融合，中國嘅山水畫就不再傳統。

鑑於香港係中外文化藝術交流中心，黃梓謙認為要發展藝術同創意，除咗用10年或以上時間建設文化區，仲可以喺街頭、公園激活創意，如果香港向全世界藝術家發出邀請，以圍繞中外文化融合嘅當代藝術表現主題而去到18區創作，相信一、兩個月後就可見到爆炸性嘅藝術成果，畢竟陳英傑喺上海嘅戶外創作，只需5日就繪製完成。