政情：解除瘋牛症指引 陳沛良捐血助人

點解成功捐血，陳沛良會咁雀躍呢？話說上世紀80年代，英國出現俗稱「瘋牛症」嘅變種克雅二氏症，於是有一段期間，只要喺英國居住3個月或以上，就被視為對「瘋牛症」有潛在風險，需暫緩捐血。由於陳沛良曾因工作關係而暫居英國，因此佢即使有意捐血亦會被拒，然而有關指引已經喺舊年年底解除，陳沛良先至有機會加入捐血者嘅行列。

講番前日嘅捐血過程，陳沛良話十分順暢，並無任何不適。佢呼籲更多符合條件嘅熱心市民踴躍捐血，以保持血庫穩定，而充足嘅血液供應可以讓有需要嘅病人及時獲得救援，況且定期捐血不僅助人，亦對自身有益處，可以促進新陳代謝，保持身體健康。