昔日東方政情：上海香港路林筱魯感慨難分強弱
眾所周知，香港有條「上海街」，但就未必知道上海原來有條路叫「香港路」，呢條路旁嘅樓都係古典嘅建築風格。外界經常將香港同新加坡及上海作比較，而議員林筱魯喺社交媒體就感嘆十里洋場，分唔清孰強孰弱。
靠「人氣」維持生命力
喺上海嘅香港路始築於19世紀50年代，長240米，唔夠上海街十分之一嘅長度。林筱魯話香港路距離蘇州河唔遠，自19世紀中葉開始，蘇州河兩岸就開始有近代工業，經歷咗20幾年嘅改造，成果已見豐碩。
佢話咁蹺香港嘅上海街亦建於19世紀中期，喺九龍半島沿岸，商舖林立，一直係購物勝地，榮衰緊隨油麻地同旺角嘅起落。佢認為城市同建築只係生活嘅載體，無論建設幾靚，總得靠「人氣」先有生命力咁話。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
