政情：容海恩乖巧大女 深得葉劉讚許

原來係佢黨友容海恩（Eunice）嘅大女袁昌蔚，葉劉話Eunice係在職母親，所以出席活動都難免要帶同女兒隨行，咁會唔會帶來不便呢？葉劉就話唔會，因為昌蔚精乖伶俐，同大家見面時不但主動握手打招呼，當大人傾緊偈嘅時候，佢仲會坐喺一邊安靜地畫畫。

見到呢個景象，Eunice都話昌蔚似考入大學上緊堂寫筆記，得4歲嘅昌蔚咁早就讀「大學」，怪唔得之Eunice話自己「甚感安慰」啦！其實，今次唔係昌蔚第一次跟隨Eunice參觀㗎啦，今個月月頭嘅時候，昌蔚同Eunice仲有葉劉一起去大圍站「圍方」商場參觀，期間葉劉都大讚昌蔚乖巧伶俐，一見到鏡頭，就會擺出多款生鬼「甫士」咁話。