政情：賣旗童眉宇相似 被誤當葉文斌兒子

葉文斌同該位賣旗男童，兩人眉宇頗為相像，難怪有網民留言「大仔幾多歲啦？」、「乜有個大仔唔介紹黎（嚟）識下（吓）」，葉文斌隨即回答「我都想呀」，其實佢尋日朝早只係帶初生嘅BB女去打針，途中同一位義務參與賣旗活動嘅男童一齊影張相咁啫。雖然唔係賣旗男童嘅爸爸，但見葉文斌懷中嘅BB女，喺防疫面罩之下睡得十分安穩，濃濃嘅父愛可謂溢於言表，畢竟肆虐多年嘅新冠病毒只係風土化，並未絕迹。