笑看天下：北約官員咪再廢噏無謂

俄烏戰事期間，瓦格納集團兵變流產導致歐洲對華態度發生轉變。從目前公開嘅訊息推斷，歐盟首腦幾乎一面倒認為，兵變係對俄羅斯總統普京嘅重大打擊，佢暴露咗普京政權內部弱點，動搖了俄人民對普京嘅支持，大有可能迫使普京嘅侵烏政策，甚至調整對戰爭結果嘅期待。不能排除歐盟首腦多數認為，一個被內部勢力削弱嘅普京，更需要外部力量支持，為了延續政權，更趨向保住顏面嘅妥協。歐盟錯估普京強悍本色，認為呼籲北京對普京施加影響，推動俄軍立刻、全面和無條件地撤烏，應該可以成事！之但係，普京與中國友好啫，畢竟並非「委曲求全」，而係彼此尊重，咪忘記，俄羅斯係擁核嘅軍事強國，同烏豈可同日而語？北京一向希望俄烏「促和止戰」，只係障礙太多，否則中國嘅烏克蘭問題特使李輝也不至於斡旋無功！主要係美國從中攪局，明明係簡單嘅格局都會變得複雜！

呢，最近有北約官員建議烏克蘭可向俄羅斯割讓部分領土，換取加入北約成為成員國。呢個講法，立即惹來烏克蘭多名官員批評建議「非常荒謬」，重申烏克蘭絕不會接受。烏克蘭戲子總統澤連斯基雖然冇過人之處，唯一擁有就係講嘢仿似食咗幾擔蒜頭，佢大早已揚言「即使恢復1992年烏克蘭嘅領土狀況，只係烏克蘭願意同俄羅斯進行和平談判嘅前提條件」！言下之意，即使收復克里米亞半島，烏克蘭還是會打下去！有啲人係唔見棺材唔流淚，北約官員咪再廢噏無謂！