政情：林健鋒撐場 挑戰墨西哥辣醬

美食博覽尋日開鑼，林健鋒都有去撐場。佢話場內食品充滿特色，仲要平、靚、正，所以佢都唔執輸，買咗本地自創黑松露奶茶、韓國乳酸菌米酒等人氣之選，夾夾埋埋使咗大約2,000元。咦！啱啱好係剛派發嘅第二期嘅消費券款額喎。

唔單止買嘢，佢亦喺場內試飲試食，亦趁機同波蘭及墨西哥等地嘅展商傾談，仲即場挑戰墨西哥辣醬。辣成點？佢話好在未有「失威」喎，即係頂得順！

佢仲話香港嘅旅遊業發展亦可以多參考海外地區，例如近日大家熱議嘅夜市，就係將香港美食集中起來成為多元化綜合體，相信能夠更有效推廣本地飲食文化，大大吸引旅客來港，幫助振興香港經濟。