政情：林新強議辦營運多時 補做開張儀式唔怕遲

仲有4個半月，呢屆立法會任期就過咗兩年，點解咁遲先開地區議辦呢？林新強坦言本來已經話唔開㗎啦，但收到提醒之外，兼且睇完《基本法》之後，發覺唔係喎，真係有憲制責任，要接受同處理市民嘅申訴，明白自己雖代表法律界，但都要了解業界以外嘅市民訴求，又鑑於自己係「新界人」，於是就選址元朗開設地區議辦。

話呢個辦事處早喺舊年秋季已投入運作，只礙於疫情同漫長嘅修路工程，而遲遲未正式舉辦開張儀式。佢話自己做議員一開始都面臨挑戰，唔止要「乜都識」，更要「冇事搵事做」，質詢政府，接受傳媒監督。