政情：港車北上遜預期 梁子穎斥港府離地

究竟係乜嘢問題？梁子穎話登記電腦抽籤制度需要改善同提升容量，畀有興趣申請人士可以盡快向運輸署提出申請。事關依家嘅申請名額每日300個，但實際每日使用港珠澳大橋嘅預約情況，根本冇為大橋帶來額外嘅大幅提升車流，亦未能達到預期提升大橋嘅流量同效能推出經濟、旅遊等發展。

港府話搞電子化，但就落後內地好多。梁子穎話內地政府一站式電子平台，申請人完全掌握申請資料同進度，反觀港府完全冇一站式個人網站，仍然維持資訊性嘅工作，冇進步、冇以民為本嘅安排，完全脫離群眾嘅安排。佢話道路交通標示同安排仲有待進一步改善，反觀喺內地地方嘅交通指示同安排都好清晰易明，再配合衞星導航系統，去內地任何地方完全無難度。