政情：林正財懸崖拍片 留言都話危險

話說林正財喺社交網站上載咗兩條短片，其中一段片入面，佢先係坐喺懸崖上打卡，仲要係咁郁，雖然隻手捉住支樹枝做保護，但望住山下嘅景象，真係險象環生，令人擔心啊！

另一條短片都不遑多讓，驚嚇程度都係爆燈。片入面嘅林正財企喺岸邊，後面就風高浪急，係咁翻起白浪，期間仲要有個浪從後冚過去全身，雖然佢都大叫咗幾聲，但見唔到佢個驚樣，過程中仲笑得好開心。

唔通佢唔驚畀浪捲走？雖然玩嗰個唔驚，但睇嘅人就相當驚嘞！有啲網友睇到佢啲片都喺留言叫佢小心啲，亦有人留言話「咁高難度及危險，不要說身在其中，看的腳已發抖！」就連葉劉淑儀都留言警告話「Too dangerous！（太危險）」。唔知睇到葉劉咁講，林正財仲會唔會再試呢？