政情：新田科技城欠構思 洪雯回歸規劃師

Wendy話新田科技城係北部都會區嘅重要組成部分，都係內地進入北部都會區嘅門戶、港深科技互聯互通嘅核心平台，而新田同河套可以提供相當於17個香港科學園嘅創科用地。之不過，佢就批評政府喺好多方面未有令人信服嘅解決方案，好似發揮現存同未來鐵路站嘅最大效益、加強推動港深互動、城鄉融合、濕地生態保護同防洪工作等方面。

有見及此，Wendy就話自己雖然畢業之後成為政策研究者，自己未試過喺香港做城市規劃師，但佢就安排發展局同城市規劃師、建築設計師進行會面，會上有好多啟發性嘅構想同實際案例，令佢都感覺自己重新回歸城市規劃師嘅身份咁話。