昔日東方政情：日用4度電 林超英唔開冷氣極慳錢
炎炎夏日，大家都會忍唔住開冷氣。近來唔少人都關心，堅持唔開冷氣嘅天文台前台長林超英會否「破戒」，而佢早前就喺社交平台表示依然唔開冷氣，呼籲網民「不用天天PM（私訊）我」，尋日佢更公開展示最新電費單，不用繳費之餘，更係負數。呢個情況，唔知電力公司使唔使畀番錢佢？
今期電費負7蚊
據林超英喺社交平台上載剛收到嘅電費單，今期電費係負7蚊！點解比零仲低，佢話原因有待了解。而電費單顯示，過去兩年佢嘅用電量維持喺每日4度電左右嘅水平。佢話屋企有兩個人住，即係每人每日兩度電，呼籲大家可以檢視家裏嘅電費單，睇睇比呢個水平高出幾多。
佢又話，對比兩年前同期電費單，扣減咗慳電回扣，發現每度電實際收費由1元升到1.2元，相當於兩成。佢又感嘆話世界愈趨動盪，未來電費恐怕會再升，即使唔講救地球，都要講吓救荷包，呼籲大家宜開始慳電，切莫遲疑。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
