昔日東方政情：鄧飛分享舊相 緬懷青葱「型」象
大學聯合招生辦法（JUPAS）尋日放榜，當然有人歡笑、有人愁，而做過中學校長嘅議員鄧飛亦好了解學生嘅心情，喺社交平台貼文鼓勵，跟住仲上載咗張27年前，讀緊大學一年級照片，即刻令班網友起哄！
鄧飛做乜突然掟呢張相出嚟？唔通係想回味下昔日嘅青葱歲月？呢張舊相確實見到佢嘅青澀面孔。而喺呢個Post出街後，有議員同事即刻留言大讚「型呀！飛哥」；亦有網友留言話「江山如此多Fun」同「全港狀元爭霸戰」。
原來係辯論高手
睇嚟大家見到鄧飛都會諗起，佢曾經以兼職身份做過「江山如此多Fun」嘅主持，亦喺讀中六嘅時候參加全港狀元爭霸戰，仲攞到亞軍添！之不過，大家有冇留意呢幅相嘅背景係乜？係1996年香港大專辯論賽。其實，佢係中文大學畢業生，而喺大學時代兩度獲香港大專辯論冠軍，亦曾奪得香港大專辯論賽最佳辯論員添！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
