政情：李慧琼不尋求連任民建聯主席

本身係全國人大常委嘅議員李慧琼話民建聯執委會換屆選舉即將開始，佢嘅工作亦相應增加，個人有限時間同能力，令佢意識到對黨未來發展同工作未必有利，經再三考慮，決定今年唔尋求出選及擔當民建聯黨主席一職。她又話想藉此多謝全港廣大市民、黨友、政府多年嘅包容、支持，今後必定繼續努力，為國家、為香港、多做實事。

民建聯原定今年4月改選領導層，其後兩度改期，延至9月改選執行委員會，提名期至本月13日截止。李慧琼自今年3月出任全國人大常委後，政界就關注身兼多職嘅佢今次會否退落嚟，如今宣布不再連任主席。李慧琼喺2015年出任黨主席，至2019年區議會選舉建制派大敗，民建聯失去近百個議席，李當時提出辭任黨主席，但獲黨內挽留。