昔日東方政情：電動車發展慢 陳沛良促打破局限
為咗減低碳排放，從而改善香港嘅空氣質素，政府近年力推電動車，但係香港嘅進展好似唔係好快，配套設施同措施就更加不足。立法會環境事務委員會聯同環境及生態局嘅官員尋日就去咗廣州考察，睇吓人哋嘅進展係點。
考察廣州 睇到差距
今次嘅訪問團由委員會主席葛珮帆做團長，同行嘅議員及官員去咗繼續參觀廣州公交集團嘅燕嶺新能源產業園及廣州公交指揮中心，議員陳沛良話了解咗當地嘅電動公交車同電動出租車嘅液冷快速充電器、換電站嘅應用情況，而相關電池儲能設施及液冷快速充電器都係自主研發，仲要領先全球添！
反觀香港，佢話有市民求助話「EV屋苑充電易資助計劃」存在問題，因為申請標準唔涵蓋露天停車位超過六成嘅停車場，所以排除咗大量單幢式樓宇持份者，而且計劃實施進度緩慢。其實依家連配套設施都未做好，佢就認為如果香港真係要全面推動電動車普及化，就要必須打破現時嘅條條框框啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
