政情：考察不忘遊歷 林素蔚漫步上海當休息

Connie話香港人生活壓力大，精神健康喺爆煲嘅邊緣，作為註冊社工嘅佢，就話有時候停低15分鐘，享受吓大自然美景，都係一個自我療愈嘅方法，所以佢都喺考察嘅時候，抽時間去充滿懷舊氣息嘅復興西路，話道路兩邊嘅梧桐樹鬱鬱葱葱，漫步其中令人身心舒暢，仲可以去咖啡店休息吓，享受「Me Time」咁話。

唔單止休閒咁休息，佢都有去百樂門，感受夜上海、舊上海，話因為見到唔少市民遊客到舞池跳舞，所以體驗到「舞廳之王」嘅奢華同地位。