政情：德國收費洗手間 利誘黃傑龍開餐

黃傑龍喺社交平台貼文，話喺無速度上限嘅Autobahn（高速公路）漫長幾小時車程總要去洗手間。由於要畀錢，所以過程要特別享受，洗手都零舍認真。跟住佢話留意到，憑洗手間嘅一蚊歐元收據，買嘢食可獲一蚊歐元嘅優惠，既然當地人咁有生意頭腦，身為飲食業一員嘅佢都識英雄重英雄，買條法蘭克福腸食吓先。

到底條法蘭克福腸味道如何？佢冇詳細交代，不過最新貼文就話自己已經去到慕尼黑機場，準備登上返港嘅航班。佢話離開香港接近3個星期，真係非常之懷念香港嘅食物，同埋想快啲返屋企瞓番自己張床、同飲自己屋企嘅水。