昔日東方政情：鄭泳舜杭州考察 話文體旅可效法
呢排唔少議員都趁住立法會休會出外考察，立法會民政及文化體育事務委員會尋日亦展開杭州訪問，委員會主席鄭泳舜就話希望藉今次考察行程，喺體育、文化同旅遊產業發展方面借鏡杭州經驗，包括文旅融合，藉住籌備亞運會推動旅遊同體育產業發展。
訪問團同當地多個部門見面。鄭泳舜話了解到杭州仍然致力發展文化產業，當地有唔少文化產業園區，亦有唔少相關旅遊產品，要將旅遊與唔同元素結合，一齊去發展。
借鏡亞運會吸客
杭州喺9月下旬舉行亞運會，鄭泳舜話會晤中都有傾到亞運會籌備工作，得悉賽事門票好搶手，而當地推出唔少措施吸引遊客到訪，例如透過科技、智慧平台、禮品同抽獎，甚至送地鐵票同園區入場券等。
唔講唔知，訪問團有一小插曲，就係發現政制及事務局前副局長、依家喺賽馬會做嘅陳岳鵬同機，真係蹺！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
