政情：參觀電視台正襟危坐 尚海龍扮主播

「大家午安，現在由尚海龍為你報道新聞。」雖然係「角色扮演」，尚海龍都相當認真，面對鏡頭正襟危坐，衣着端莊，對於習慣喺議事堂發言嘅議員嚟講，讀稿應該唔會「食螺絲」。事後佢話目睹記者同編輯如何收集同整合新聞素材，尤其是新聞直播嘅環節，一眾記者同編輯儼如身兼主播嘅防守員，協力完成每一個新聞節目。

之後，幾位議員移步參觀天氣報道同交通消息嘅製作過程，期間當然要喺屏幕前作吓狀啦。尚海龍形容新聞從業員係一個充滿活力同創意嘅行業，期望將來會繼續推出更多高品質嘅資訊報道。