政情：美軍邀請做好友 林琳走夾唔抖

雖則話「有圖有真相」，向林琳發出交友請求嘅陌生人，其相片係一位亞洲男士，不過林琳話網上圖片唔一定係佢本人；加上個人資料報稱來自香港，現居伊拉克巴斯拉，職業係美國陸軍，咁就更加令人生疑，林琳認為十居其九點九九九係騙徒啦，邊有咁多美軍Message你呀！

林琳又話，網絡上隱藏唔少愛情騙子，呼籲大家見到呢啲不明來歷嘅留言，最好就係舉報加即時封鎖，一定要保障好自己咁話。