昔日東方政情：交流四圍去 郭玲麗試做採茶女
立法會暑假休會，議員紛紛組團北上交流，議員郭玲麗尋日喺社交平台上載，佢喺廣西梧州某茶園嘅照片，但見佢頭戴民族頭飾，一手環抱竹籃，一手採摘茶葉，儼如採茶女嘅模樣。幾日前仲喺福建考察嘅佢，為咩事風塵僕僕去到廣西呢？
其實郭玲麗去廣西係身負任務㗎，話說公民與社會發展科取代通識科後，規定學生至少要到內地考察一次，郭玲麗於是參加民政及青年事務局贊助嘅桂港青年交流團，負責帶領一班12至35歲嘅青少年參與自然觀察，了解嶺南文化特色。
帶青少年到廣西了解嶺南文化
到達廣西第一日，郭玲麗帶領班青少年到訪梧州學院，於導賞員講解下參觀多個展廳，又親身體驗虛擬實境互動、模擬射擊等。
郭玲麗話「讀萬卷書不如行萬里路」，讓孩子們親身感受當地文化，勝過千言萬語，佢建議政府應考慮拓展公民與社會發展科嘅考察團地點，令學生能更深入了解國情。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
