昔日東方政情：入境處領袖團行程佳 青少年考察開眼界
入境事務處青少年領袖團嘅3日2夜「溯流求源、見賢思齊」大灣區交流團，尋日踏入第二日，行程依然豐富精彩。34名領袖團隊員去到東莞同珠海等不同地方考察，部分行程更由入境處副處長戴志源、今次交流團團長鄭錦鐘博士及副團長朱文彥帶領，相信各隊員都獲益良多呀！
了解供水 參觀電器科技展廳
領袖團上晝兵分兩路，其中一隊抵達以「生命之源」做主題嘅東深供水工程紀念園，隊員了解到呢項工程自60年代起為香港提供穩定嘅食水，令香港整體經濟及社會得以蓬勃發展，故要「飲水思源」。另一隊就去咗虎門嘅海戰博物館，重溫鴉片戰爭嘅始末同歷史影響。
到咗下晝，隊員繼續分成兩隊，其中一隊由戴志源、鄭錦鐘同朱文彥帶領，參觀華為東莞松山湖基地，另一隊就去咗參觀珠海格力電器科技展廳。對科技發展感到興趣嘅隊員可以把握難得機會一探究竟。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
