政情：探訪獨力湊孫婆婆 林振昇嘆缺託兒所

林振昇同觀塘區議員張培剛去咗寶達邨探訪，其中探咗一個80歲嘅老婆婆，送咗啲物資，而喺傾談之間得悉婆婆嘅女兒已經過咗身，所以佢要負責照顧讀小學嘅孫女。

要個咁大年紀嘅老人家照顧小朋友，確實好辛苦，所以林振昇都呼籲政府要將多啲學校變成託兒中心。因為佢覺得託兒所喺依家嘅情況下確實極之缺乏，建議不如用一啲學校喺課後改做託兒所會更好。佢覺得如果有課後託管就可以幫吓婆婆手，仲可以有人幫輕吓小朋友功課咁話喎。