政情：葛珮帆訪青島 大讚拍攝基地規模

EQ話呢個拍攝製作基地，好多出名嘅電影都喺度拍攝過，譬如賣座電影《流浪地球》，以及內地正在上映嘅《封神》，因為佢哋嘅虛擬拍攝、水下攝影棚、前後期製作等都用咗領先嘅高科技，幾年間已經發展為中國虛擬拍攝及製作嘅首選基地啦，而且成個過程都現代化、流程化、標準化，慳番唔少時間，製作成本及風險亦大幅降低。

除咗睇基地，EQ都有拜訪喺青島創業嘅香港人、道具師鍾劍偉，曾為百部影視作品製作數萬件道具，鍾話喺內地發展都要講競爭力，最重要係品質做到最好。雖然青島居住環境唔錯，但礙於港人嘅身份，鍾唔可以喺內地開設電影公司，只能從事電影相關嘅服務，鍾就希望內地政策可以更開放啦。