政情：偕港將打乒乓賽 陳克勤攞頭彩

克勤喺社交平台貼文，話自己打乒乓波嘅水平只係一般，竟然獲邀參加慈善乒乓比賽，仲可以同港隊名將杜凱琹同隊打接力賽，簡直係欣喜若狂。而當時司儀問佢，識唔識打乒乓波？佢回應話「係有進步啲，由小學小息時間嘅『滴滴仔』水準，到中學打請飲汽水嘅階段，我都有參與。但都係多數係由我負責買汽水！」

咁講，即係輸波居多喇！但係佢前日排頭位出賽，贏左6：4就即刻交畀下位隊友接力啦！佢仲話攞咗彩，見好就收啦！突然咁好成績，係咪杜凱琹「指導」過佢呢？之不過，睇到克勤攞住嗰塊乒乓球拍有好多簽名，睇嚟係另一收穫嘞！