昔日東方政情：林琳做天灸療程 調理身體
「三伏天」係一年當中最熱嘅日子，但亦都係「冬病夏治」嘅時機。近日議員林琳嘅手腕與足踝都敷上藥貼。佢話早前返立法會，唔知係咪冷氣開得太大，有啲咳，但症狀好輕微，即使睇西醫都未必會開藥，於是搵中醫進行天灸療程，冀藉此驅寒補虛、改善體質。
冬病夏治好時機
其實林琳舊年都做過一次天灸療程，今次係第二次做，畢竟身體係自己嘅，梗係要照顧好啦。而敷藥貼則遍及身體多處，並唔止於手腕與足踝，據講可以排濕氣同補氣血。
而林琳早前同朋友傾開，提醒咗佢依家係「三伏天」，宜趁呢個時候調理身子，佢仲將自己相熟嘅中醫師介紹畀朋友添。
講開中醫，林琳話中藥唔可以亂食，即使補品亦一樣。佢話懷孕期間曾收到好多人送贈補品，但放入口之前應先要問清楚中醫，是否適合自己嘅體質，千祈唔好盲樁樁咁進補呀。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
