政情：唔怕坐長途硬臥 梁毓偉趁機識學生哥

梁毓偉話當年坐硬臥長途火車返內地，係最難忘嘅一次旅行，雖然坐火車要用比其他交通方式更長嘅時間，硬臥亦未必係最舒服嘅座位，但佢話，時間雖然長，但係每個站都有唔同風光，而且喺車上亦都結識到有唔同目的地同埋唔同故事嘅人。

呢排學生陸續放暑假，亦有要坐火車嘅青少年交流團，作為坐硬臥長途火車嘅「前輩」，梁毓偉都有親身到場為青年一齊「打氣」，話希望佢哋喺旅途上不但體會到國家唔同名城、名勝嘅風貌同文化，仲可以互相認識，締造難忘嘅火車之旅咁話喎。