政情：消費券為業界助力 張宇人再四出覓食

先嚟個早餐先，Tommy喺連鎖麵包店買咗芝士餅同奶茶，折實只係16蚊，當然抵喇！之後就約咗食肆老闆一齊食晏。Tommy認為至抵食嘅燒味八寶飯套餐、加埋燒鵝髀、乾炒牛河、紅豆冰同冰鎮奶茶 ，盛惠300蚊。講到呢度，佢話要抖抖先嘞！當然係因為食飽。咁下午茶食乜嘢？佢去咗間茶餐廳食「四寶河」套餐，都係7.1折喎。

仲記得上次7.1折，Tommy食咗4餐加甜品，而晚餐就「反高潮」，事關太飽，佢只係食咗兩個沙翁。咁尋晚嘅晚餐又點呀？佢話喺沙田嘅連鎖快餐店食排長龍至買到嘅超人氣「冬瓜盅二人小菜套餐」、仲加多碟生炒排骨同焗叉燒。睇嚟幾開胃咁喎。