昔日東方政情：何永賢大叫哎呀 原來手繪被揩花
擠迫嘅環境，莫講話住得唔舒服，做訪問都好容易「出事」。房屋局局長何永賢尋日出席一個以劏房為題嘅活動，喺記者圍訪期間突然發出「哎呀！」嘅驚呼，然而驟眼睇佢毫髮無損，到底邊度出問題呢？原來係佢腕上嘅Henna手繪揩花咗！
話說尋日嘅活動，有市民在場示範Henna手繪，何永賢亦都趁機會體驗一下，呢種印度同中東都相當流行嘅傳統手藝。
在場嘅記者後來圍住佢做訪問，當談及申訴專員關注長者住屋入住率偏低嘅時候，可能有記者嘅咪牌喺擠迫得水洩不通嘅情況下唔小心觸及何永賢嘅右手腕，佢即刻話「哎呀！唔好整花我呢個咁靚……咁靚嘅一個標記呀！」又強調呢個標記係代表「愛與和平」喎。
講講吓遊花園
跟住佢又連珠炮發咁指出，話希望有需要嘅市民可透過相關機構攞多啲過渡房屋或簡約公屋嘅資料，雖然係「遊花園」，但最終佢都話，會同團隊去睇吓有冇其他方法善用長者住屋。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
