揚言棄權都無動於衷 馬逢國搵緊周公

喺莊嚴嘅議事堂內，主持會議嘅人瞌眼瞓，場面真係好尷尬。立法會尋日二讀辯論《2023年罰款及定額罰款（公眾地方潔淨及阻礙）（雜項修訂）條例草案》，期間議員狄志遠發言，擔任代主席嘅馬逢國竟然搵緊周公！即使狄發言結束，佢都仍然維持「釣魚」嘅狀態，而旁邊嘅秘書嘗試叫醒佢，都要叫咗3、4次，佢先至緩緩睜開眼，宣布下一位議員發言。