政情：被冒名求買禮品卡 梁熙：擺明係呃

梁熙話呢個擺明就係假冒電郵，騙徒所用嘅電郵地址名稱同佢完全無關。佢話藉呢次事件提醒市民，騙徒無處不在，要加倍小心，尤其唔少電話或電郵騙案，騙徒都會假冒係親友，希望提供金錢嘅協助，呼籲市民切記要停一停，諗一諗，假如涉及金錢就應該要加倍小心，要立即聯絡家人了解情況。

為加強防騙意識，梁熙希望政府效法內地，喺社區內或大廈張貼告示，提醒大家近日嘅騙案手法，令防騙資訊更「入屋」，提升市民對騙案嘅防罪意識同警覺性。