政情：孖吳傑莊訪中英街 田北辰不滿泊車安排

田北辰話香園圍邊境管制站公眾停車場雖可供公眾預約使用，然而喺預約停泊期間，車輛一旦駛出停車場就冇得再入，而騰出嘅車位又唔係畀其他車輛停泊喎，結果咁就浪費咗。雖然停車場主管解釋，話即使車輛提早駛走，通常係預期時間屆滿之前半個鐘左右。但咁嘅解釋，佢當然唔收貨，話若有車位騰出就要拎出「公海」度抽先合理。

至於議員劉國勳同陳克勤，事後就建議蓮塘/香園圍口岸延長開放時間，首階段應該同羅湖、深圳灣口岸睇齊，開放時間由早上6點半至午夜12點，之後視乎情況，並利用科技引入嶄新通關模式，做到24小時全日通關。