昔日東方政情：柯創盛牛一 自然醒當禮物
區務繁忙，好似觀塘區議會主席柯創盛尋日牛一，雖然又係禮拜日，但工作排得滿滿，都係要做嘢。佢仲話屋企嘅CEO慳番好多心思，唔使為佢安排慶祝活動，慳水又慳力添！
生日願望係政通人和
唔好誤會柯仔喺度埋怨屋企嘅CEO、即係佢太太，事關佢太太今日陪住佢出席每個活動，充當佢嘅保母同攝影師，佢話呢啲都算係太太畀佢嘅生日禮物。唔單止，柯仔仲送咗第一份生日禮物畀自己，就係瞓咗一個好甜嘅覺，事關好耐冇試過瞓到自然醒。
佢仲話要多謝班好兄弟姊妹、愛錫佢嘅前輩、柯辦同事同一眾好友等等，喺呢幾日為佢製造嘅每個生日驚喜，又為佢準備咗好多個佢至愛嘅蛋糕，所以自己點都要放肆一下。
生日願望係乜嘢？佢話當然希望一切夢想成真，但更重要嘅係香港必須要政通人和、社會和諧。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
