政情：着華服寫毛筆字 鄧家彪話唔礙事

議員着嘅華服都係大會提供嘅，之但係華服兩袖長，會唔會阻住寫字呢？或者畀啲墨整污糟件衫呢？議員鄧家彪就唔覺得麻煩，仲話長袖好有用，古時將身家、財產同錢都擺晒入去，武林秘笈都係咁擺。其實觀塘區議員簡銘東都在場，佢着住金色嘅華服，明顯比鄧家彪着嗰套素色嘅華服高貴。

教育界議員朱國強同另一議員顏汶羽亦都着咗華服，顏話佢着嗰套係明朝嘅錦衣衞服飾，花紋像龍袍。佢話據說因為明朝天子親衞隊要保謢皇帝，所以制服袍子要似皇帝，用嚟混淆刺客嘅判斷。