政情：同學追債入稟 張秀賢須賠一萬蚊

今次嘅申索人係黃泳基，被告為張秀賢。申索書指，張秀賢於2022年5月25日向申索人借貸兩萬元，承諾同年7月底還清債項，惟至2023年5月，尚欠一萬元，而且冇提供合理清還方案。尋日判決後，申索人喺庭外憶述張當時藉詞大便出血及生意周轉有問題而借錢，期間雖有償還部分款項，但張不斷以身體不適為由而拖延。黃坦言難以追回欠款，但仍須透過今次申索，因為「呢啲人要畀個教訓」。

周一法庭亦有處理同類案件。該案申索人係楊浩泉，被告係張秀賢。據申索人於申索書指稱，在2022年12月31日及2023年1月1日，佢分別應被告要求，以轉數快方式分別借款2.5萬及一萬元畀被告，但申索人至今未收到任何還款，審裁官判缺席聆訊嘅張秀賢敗訴，須償還3.5萬元欠款。然而該案嘅申索人冇信心追回欠款，慨嘆「被小政棍呃咗」。